தமிழ்ப்பயணம்


அமிழ்தம் :

ஆருயிர் அமிழ்தே!
உன் பெயர்தான் தமிழோ!
உனை நினைத்தாலே
உருகிப் போகுதெம் மனசு!
நின் மொழிக் கடலில்
மூழ்க துடிக்குதெம் முசுரு!
பருக பருக திகட்டா தீஞ்சுவை நீயோ!
அதை அறியாதோர் யாவரும் பேயோ!

Advertisements
Posted in கவிதைகள் | 2 பின்னூட்டங்கள்

காரிய கிறுக்கன் – ரசினி


வெறும் சினிமா ரசிகனாக நாமும்,  வெறும் நடிகர்களாக அவர்களும் இருக்கும் வரை யாருக்கும் பிரச்சினை இல்லை.  ஆனால் ரசிக வட்டத்தில் இருந்து தொண்டர்களாகவும் அடிவருடிகளாகவும் பரிணமிக்கும் பொழுதும், நடிகர்கள் நாடாளும் ஆசையும் கொள்ளும் பொழுதுதான் அந்த நடிகர்களது உண்மை பாத்திரத்தை ஆராயவேண்டிய நிலைக்கு நாம் ஆளாகிறோம்.

அது போல் ரசினியை புரிந்துக்கொள்ள பெரிய ஆராய்ச்சி எல்லாம் தேவை இல்லை.  அவரது அவ்வப்போதைய நடவடிக்கைகளையும் பேச்சுகளையும் கூர்ந்து கவனித்தாலேயே போதும்.  அவரது பாத்திரத்தை நன்கு உணர முடியும்.  அப்படியும் உணர முடியாதவர்கள்,  சினிமா மாய கவர்ச்சி போதையில் இருந்து மீள முடியாதவர்களாக இருப்பர். 

ரசினி அரசியல் என்பது அவர்தம் பொருளாதார நலன் சார்ந்து இருப்பது கண்கூடு.  அவரது படம் ஓட வேண்டும்.  அல்லது ஆள்பவர்களை பகைத்து கொள்ளாமல் தமக்கு நட்டம் வராமல் பார்த்து கொள்வது.  தம் பொருளாதார நலன் கெடாமல் அரசியலில் வாய்ப்பு கிடைக்குமானால் அதையும் அனுபவிப்பது.  இதை தவிர வேறு ஒன்றும் கண்டிப்பாக இருக்காது. 

ரசினி ரசிகர்களின் சொம்பும் அதற்கான அம்பும் :

சொம்பு: நடிகனை நடிகனாக பார்க்க வேண்டும்.

அம்பு:  சரி.  அப்பப்போ அரசியல் அவதாரம் ஏன் எடுக்க வேண்டும்.

சொம்பு: இவரை ஏன் கேட்கிறீர்கள் .. போய் யாருக்கு ஒட்டு போட்டீங்களோ அவங்களை கேளுங்க ..

அம்பு:  இவர்தானே சிஸ்டம் சரியில்லைன்னு சொன்னது.  சரி பண்ண யோசனை சொல்லட்டும்.  அதை விடுத்து,  நாற்காலியில் உட்கார்ந்துதான் சொல்லுவேன்னு அடம் பிடிக்க கூடாது.

சொம்பு: தான தர்மம் செய்கிறார்.

அம்பு: அவரது ஆஸ்ரம் பள்ளியில் கட்டணம் வாங்குவது இல்லையா? இது வரைக்கும் வாடகை பாக்கிக்கு விளக்கம் இல்லை.  சீசரின் மனைவி சந்தேகத்திற்கு அப்பாற்பட்டவளா இருக்க வேண்டும்.

இப்படி நிறைய சொம்புகள் இருந்தாலும் அனைத்திற்கும் பதில் இருக்கிறது. ஆனால் தம் போதையை நியாயப்படுத்த முட்டுக்கொடுக்க கிளம்பிவிடுகிறார்கள்.

அவர் வெறும் நடிகராக இருக்கும் வரை யாரும் கேள்வி கேட்க மாட்டார்கள்.  பொது வாழ்விற்கு வருவோர்க்கு குறைந்த பட்ச நேர்மையாவது வேண்டும்.

Posted in கட்டுரைகள் | பின்னூட்டமொன்றை இடுக

காவேரி


கழனிதனை காக்க
காவேரி வேண்டுமா?
கிரிக்கெட்தனை போற்றி
கீழ்மைபெற வேண்டுமா?
குணம்தனை கெடுக்கும்
கூத்தாடிகள் வேண்டுமா?
கெடுமதி யாளர்களை
கேள்வி கேட்க வேண்டுமா?
கைகட்டி வாய்பொத்தி
கொடுமைபட வேண்டுமா?
கோட்டைகளை எதிர்த்த
கெளரவம் வேண்டுமா?

Posted in கவிதைகள் | பின்னூட்டமொன்றை இடுக

இளவேனில்!


இளவேனில்!
இதமான பெயர்!
இலக்கை சுடுவதில்,
இளையோர் கோப்பை வென்றாள் !
இறும்பூதடைந்தேன்!
இவளை அறிந்தவன் என்றா,
இல்லை!
இவள் ஒரு
இந்திய குடிமகள் என்றா,
இல்லை!
இவள் ஒரு
இளந்தமிழச்சி என்றா,
இல்லை!
இவள் பெயர்
இளவேனில்!! தமிழ்ப்பெயர்!!
இதுவே காரணம் என்
இரட்டிப்பு மகிழ்ச்சிக்கு!

Posted in கவிதைகள் | பின்னூட்டமொன்றை இடுக

தமிழ்ப்பயணம்


உயர்வு

செந்தமிழ் கற்க, தமிழாவ லுயரும்!
தமிழாவ லுயர, தமிழ்ப்பற்று யரும்!
தமிழ்ப் பற்றுயர, தமிழ்மொழி உயரும்!
தமிழ்மொழி உயர, தமிழ்ப்புகழ் உயரும்!
தமிழ்ப்புக ழுயர, தன்னாலே
தமிழராம் நாம் உயர்வோம்!

Posted in கவிதைகள் | பின்னூட்டமொன்றை இடுக

தமிழ்ப் பயணம்


அமிழ்தம்

ஆருயிர் அமிழ்தே!
உன் பெயர்தான் தமிழோ!
உனை நினைத்தாலே
உருகிப் போகுதெம் மனசு!
நின் மொழிக் கடலில்
மூழ்க துடிக்குதெம் முசுரு!
பருக பருக திகட்டா
தீஞ்சுவை நீயோ!
அதை அறியாதோர்
யாவரும் பேயோ!

Posted in கவிதைகள் | பின்னூட்டமொன்றை இடுக

பெரியாரை பின்பற்றும் தமிழக இந்துத்துவவாதிகள் …


நன்றி! முதலில் ஒரு தமிழனாக இவர்களுக்கு நன்றி தெரிவிப்பது நம் கடமை.  என்னதான் இவர்கள் ஒரு இந்துத்துவ கட்சியாக இருக்கட்டும், தமிழ்நாட்டில் மட்டும் இவர்கள் சூழ்நிலை கைதிகளாக இருக்கிறார்கள்.  அந்த மட்டும் நமக்கு மட்டற்ற மகிழ்ச்சி.

பெரியாரால் தமிழகத்திற்கென தனியொரு பெருமை உண்டு.  அது, தமிழகம் தவிர்த்து இந்தியாவின் மற்ற மாநிலங்களை போல் அல்லாமல் பெயர் அளவிலாவது தம் பெயருக்கு முன்னாலோ பின்னாலோ சாதியை ஒழித்து உள்ளோம்.

ஆனால் வெளிமாநிலங்களில் வாழும் இக்காலத் தமிழ் தலைமுறையினர் சுயமரியாதை (திராவிட) உணர்வற்று உள்ளனர்.  சாதிப்பெயரை சேர்த்துக் கொள்வது அவர்களுக்கு இழுக்காக படவில்லை.  முகநூல் பக்கங்களில் தங்களது பெயருடன் சாதியையும் சேர்த்து எழுதுகிறார்கள்.  அவர்களுக்கு எடுத்து சொல்ல ஆளில்லை.  அல்லது அது அவர்களுக்கு புரியவில்லை.

இன்றும் வடக்கில் நம்மை முழுப்பெயர் கூறுமாறு கேட்கிறார்கள்.  நம் பெயரை கூறினாலும், மீண்டும் முழுப்பெயர் என்னவென்று வினவுகிறார்கள்.  அவர்களுக்கு முழுப்பெயர் என்பது சாதியையும் சேர்த்துதான் ஆகிறது.

தமிழகம் மட்டும் தன் வழி தனி வழி என இருப்பது, நாமெல்லாம் இன்றும் பெருமை பட வேண்டிய விடயம்.  இதற்கு பெரியாரின் புரட்சி மட்டுமே காரணம் என்பது யாவரும் ஒத்துக்கொண்டுதான் ஆகவேண்டும் என்பதில்லை.  நடைமுறையில் அந்த புரட்சியின் பாதிப்பை பார்த்து தெளிந்து கொள்ளலாம்.

எவ்வளவு பெரிய மதப்பற்றாளனாகவும், சாதிப்பற்றாளனாகவும் இருந்தாலும் பொது வாழ்வில் உள்ள பெரிய மனிதர்களும் தமிழகத்தில் தத்தம் பெயருடன் சாதிப் பெயரை விட்டொழித்துள்ளனர். இதுவே நாம் தமிழக இந்துத்துவவாதிகளை பாராட்ட போதுமானது.

Posted in கட்டுரைகள் | 1 பின்னூட்டம்