Author Archives: த.வெ.சு. அருள்

கழனிதனை காக்க காவேரி வேண்டுமா? கிரிக்கெட்தனை போற்றி கீழ்மைபெற வேண்டுமா? குணம்தனை கெடுக்கும் கூத்தாடிகள் வேண்டுமா? கெடுமதி யாளர்களை கேள்வி கேட்க வேண்டுமா? கைகட்டி வாய்பொத்தி கொடுமைபட வேண்டுமா? கோட்டைகளை எதிர்த்த கெளரவம் வேண்டுமா? Advertisements

இளவேனில்! இதமான பெயர்! இலக்கை சுடுவதில், இளையோர் கோப்பை வென்றாள் ! இறும்பூதடைந்தேன்! இவளை அறிந்தவன் என்றா, இல்லை! இவள் ஒரு இந்திய குடிமகள் என்றா, இல்லை! இவள் ஒரு இளந்தமிழச்சி என்றா, இல்லை! இவள் பெயர் இளவேனில்!! தமிழ்ப்பெயர்!! இதுவே காரணம் என் இரட்டிப்பு மகிழ்ச்சிக்கு!

உயர்வு செந்தமிழ் கற்க, தமிழாவ லுயரும்! தமிழாவ லுயர, தமிழ்ப்பற்று யரும்! தமிழ்ப் பற்றுயர, தமிழ்மொழி உயரும்! தமிழ்மொழி உயர, தமிழ்ப்புகழ் உயரும்! தமிழ்ப்புக ழுயர, தன்னாலே தமிழராம் நாம் உயர்வோம்!

அமிழ்தம் ஆருயிர் அமிழ்தே! உன் பெயர்தான் தமிழோ! உனை நினைத்தாலே உருகிப் போகுதெம் மனசு! நின் மொழிக் கடலில் மூழ்க துடிக்குதெம் முசுரு! பருக பருக திகட்டா தீஞ்சுவை நீயோ! அதை அறியாதோர் யாவரும் பேயோ!

நன்றி! முதலில் ஒரு தமிழனாக இவர்களுக்கு நன்றி தெரிவிப்பது நம் கடமை.  என்னதான் இவர்கள் ஒரு இந்துத்துவ கட்சியாக இருக்கட்டும், தமிழ்நாட்டில் மட்டும் இவர்கள் சூழ்நிலை கைதிகளாக இருக்கிறார்கள்.  அந்த மட்டும் நமக்கு மட்டற்ற மகிழ்ச்சி. பெரியாரால் தமிழகத்திற்கென தனியொரு பெருமை உண்டு.  அது, தமிழகம் தவிர்த்து இந்தியாவின் மற்ற மாநிலங்களை போல் அல்லாமல் பெயர் … Continue reading →

செம்மொழி செம்மொழியே! உன்னை செம்மையாக்கியதில் ஆன்றோரும் சான்றோரும் பெருமைப்பட்டுக் கொள்வதில் பெருமையில்லை! அகிலமே உன்னை அரியணையேற்றினாலும் அயல்மொழியை ஆராதிக்கும் கூட்டமிங்கு இன்னும் குறையவில்லை! எளியோரும் தமிழை கற்றாலே நின் வனப்பு சாத்தியமாகுமென்ற ஆவலும் அற்றுப் போகவில்லை!

வரங்கொடு இறைவா! வரங்கொடு இறைவா நீ உண்டெனில், முத்தமிழாய் பிறக்க! வரங்கொடு இறைவா நீ உண்டெனில், தமிழ்க்கனியாய் பிறக்க! வரங்கொடு இறைவா நீ உண்டெனில், தமிழிசையாய் பிறக்க! வரங்கொடு இறைவா நீ உண்டெனில், தமிழ்க்கலையாய் பிறக்க! இல்லையேல், வரங்கொடு இறைவா என் தமிழ் மீதுள்ள ஆர்வம் குறையாமலிருக்க!