Category Archives: கவிதைகள்

திணிப்பு


தமிழின்பால் கொண்ட பற்றால் போற்றுவேன் என்னருந் தலைவரென! அவர்தம் புகழ் பாடவில்லை அரசியல் தலைவ ரென்று! தன்விருப்பு வெறுப்பினை திணியாதிருப்பேன்! மாற்றார் மேல் என்றும்! ஆனால் திணித்தேயிருப்பேன்  தாய்த்தமிழை ஏற்றுக் கொள் என்றும்! தாய்ப்பால் சேய்க்கு உகந்தது என யாவரும் உணர்ந்தோம்! அதுபோல் தாய்த்தமிழும் தமிழின் சேயாம் நமக்கு இன்றியமையாததாகும்!

Posted in கவிதைகள் | பின்னூட்டமொன்றை இடுக

தமிழ்ப் பயணம் – பதங்காணல்


பதங்காணல் சொல் வளமி குந்த பைந்தமிழில், உரிய பதமிலை யென வாதிடுவோரே! நாமே நமை பழி சொலலாகுமோ! அங்ஙனம் வெட்குதலும் வேண்டாமோ! வீண் பிடி வாதம் விடுத்து, நன்தமிழில் பதம் காண விழைவீரோ!  

Posted in கவிதைகள் | பின்னூட்டமொன்றை இடுக

தமிழ்ப் பயணம்


‘ஓ’காரக் காதல்: ஓயாதே ஒருநாளும் எந்தமிழ்மீது ஓங்கி நிற்கும் காதலலை! ஓட்டிடுவேன் வாழ்வதனை பைந்தமிழ் ஓதலில்! கிணற்று தவளையென ஓலமிடும் வாயடைக்க வழிகாண்பேன்! ஓரங்கட்டிடுவேன் நற்றமிழ் விருந்து ஓம்பாதவரை! கண்ணிற் கினிதாம் ஓவியம்போல் செவிக்கினிதாம் செந்தமிழ் ஓசையென முழங்கிடுவேன் முரசாய்! ஓலைக்காலந் தொட்டு நன்னெறி ஓதிவரும் எந்தமிழ்மேற் பற்றெனும் ஓடங்கொண்டு கடந்திடுவேன் வாழ்வதனை!

Posted in கவிதைகள் | பின்னூட்டமொன்றை இடுக

தமிழ்ப் பயணம்


“ஒ” கரக் காதல் ஒன்றே குல மென்போம் தமிழின்பால் ஒருங் கிணைந்து!  உலகிற்கே நீதிநூற் ஒளி தந்த வள்ளுவன்தன் வாக்கின் ஒழுக்க நெறி நிற்ப்போம்! பைந்தமிழ் ஒலிக்கச் செய்திடுவோம் தமிழரின் இல்லமதில்! ஒருமைப்பாடும் காண்போம் செந்தமிழது பேசி! ஒப்பனை அழகாம் மேனிக்கு போல், ஒப்புமை யணியது அழகாம் தமிழுக்கு! ஒட்டுபல கொண்ட ஆடை போல் ஒவ்வாது … Continue reading

Posted in கவிதைகள் | பின்னூட்டமொன்றை இடுக

தமிழ்ப் பயணம்


ஒப்புமை: என்னகத் தமிழே!  உனை பொழுதானால் வாடும் மலருக்கு ஒப்பேன்! எம்பெருந் தமிழே! உனை உவர்க்கும் பெருங் கடலுக்கும் ஒப்பேன்! எம்மெய்த் தமிழே! உனை காலத்தால் வெம்பும் கனிக்கும் ஒப்பேன்! என்விழித் தமிழே! உனை எனை யீன்ற அன்பன்னைக்கும் ஒப்பேன்! என்னுயிர் தமிழே! உனை அகில மனைத்தும் காக்க முனையும் தன்னுயி ரெனக் கொண்டேன்!

Posted in கவிதைகள் | பின்னூட்டமொன்றை இடுக

தமிழ்ப் பயணம்


ஐகாரக் காதல்: ஐந்திலக்கியப்புகழ் கொண்ட பெருந்தமிழே! ஐவிரல் கரத்திற்கு அழகுபோல் ஐம்பெருங் காப்பியமது நினக்கழகு! ஐசுவரியம் இழந்தால் தேவரின் ஐராவதமும் கலையிழக்கும்! ஆக ஐயா, செந்தமிழ் செல்வமதில் ஐக்கியமாகி அழிக்க இடங்கொடாதிருப்போம்! ஐயர் ஓதும் வேதந்திருத்தி ஐயமின்றி பைந்தமிழில் பாடச்செய்வோம்! ஐப்பசிதோறும் ஒளிரும் சுடர்போல் ஐந்தமிழொளி சுடர் ஒங்க ஐம்படை கொண்டு காத்திடுவோம்!

Posted in கவிதைகள் | பின்னூட்டமொன்றை இடுக

தமிழ்ப் பயணம்


ஏகாரக் காதல்:   ஏற்றம்பல பெற்றிடலாம் செந்தமிழ் ஏணியதன் மேல் உவகையோடு ஏறிடவே!  பசுந் தூய்மை ஏலமணத் தமிழன்றி என் மனம் ஏற்காது பிறமொழி உறவினை ஏவினாலும்! அக்கலப்பினால் தமிழுக்கு ஏற்படும் தீய தொரு ஏப்பதனை விரட்டிடலாம்!  உதவிடலாம் ஏழையவனை பொருள் கொடுத்து! ஏசிடலாம் தமிழுரை யாடுதளில் ஏனிந்த கஞ்சமென்று, நன்தமிழ் ஏடதனை கொடுத் துதவி!

Posted in கவிதைகள் | பின்னூட்டமொன்றை இடுக